Certified list ng presidential, VP candidates, inilabas ng Comelec

MANILA, Philippines – Anim na kandidato sa pagkapangulo ang nakabilang sa certified list of candidates ng Commission on Elections (Comelec) na inilabas ngayong Biyernes.

Kabilang sa mag-aagawan sa babakanteng pwesto ni Pangulong Benigno Aquino III sina:

• Bise Presidente Jejomar Binay (United Nationalist Alliance)
• Sen. Miriam Defensor Santiago (People's Reform Party)
• Davao City Mayor Rodrigo Duterte (Partido Demokratiko Pilipino-Lakas ng Bayan)
• Sen. Grace Poe (Independent)
• Dating Interior Secretary Manuel "Mar" Roxas II (Liberal Party)
• Rep. Roy Señeres (Partido ng Manggagawa at Magsasaka Workers and Peasants Party).

Anim na kandidato rin ang pasok sa vice presidential race at ito ay sina:

• Sen. Alan Peter Cayetano (Independent)
• Sen. Francis "Chiz" Escudero (Independent)
• Sen. Gregorio "Gringo" Honasan II (United Nationalist Alliance)
• Sen. Ferdinand "Bongbong" Marcos Jr. (Independent)
• Camarines Sur Rep. Maria Leonor "Leni" Robredo (Liberal Party)
• Sen. Antonio Trillanes IV (Independent)

Nakatakdang simulan ang pag-iimprenta ng mga balota sa Pebrero 8.