PNoy mangunguna sa Rizal Day ngayon
MANILA, Philippines – Pangungunahan ni Pangulong Noynoy Aquino sa huling pagkakataon ang paggunita ngayon sa ika-119 anibersaryo ng pagkamatay at martyrdom ng pambansang bayani na si Dr. Jose Rizal.
Ayon kay Presidential Spokesman Edwin Lacierda, magkakaroon ng flag-raising ceremony ngayong umaga sa monumento ni Rizal sa Luneta Park.
Susundan ito ng pag-aalay ng bulaklak ng Pangulo.
Huling pagkakataon na ito ng Pangulo para pangunahan ang paggunita sa death anniversary ni Rizal.
Ayon kay Lacierda, simula nang maupong pangulo hindi nakaligtaan ni Aquino na pangunahan ang seremonya tuwing Rizal Day.
Ngayong taon aniya ay ipagpapatuloy ng Pangulong Aquino ang tradisyon nito na kilalanin ang mga nagawa ni Dr. Jose Rizal na nagsilbing inspirasyon sa mga Filipino para magsikap at mahalin ang bansa.
- Latest
