Asenso ng Pinas sa 2016, tiniyak ng NEDA
MANILA, Philippines – Kumpiyansa ang National Economic Development Authority (NEDA) na magpapatuloy ang magandang growth pattern ng ekonomiya ng bansa sa 2016 hanggang sa susunod na administrasyon.
Ginawa ni NEDA Sec. Arsenio Balisacan ang pahayag kasunod ng naitalang 6.2 percent gross domestic product (GDP) growth sa third quarter ng 2015 at average growth ng 5.6 percent sa nakaraang siyam na buwan.
Sinabi ni Balisacan na napatunayan ang katatagan ng ekonomiya ng Pilipinas sa kabila ng paghina ng ekonomiya ng buong mundo at iba pang naitalang hamon sa merkado.
Idinagdag pa nito na, resulta ito ng mga nasimulang reporma at long-term investments sa imprastruktura at human capital.
Sa ngayon, naniniwala rin si Balisacan na makakamit ang 6.0 percent full-year growth sa 2015 sa kabila ng mga pinsalang iniwan ng bagyong Nona at Onyok kamakailan lang.
“The stellar performance of the Philippine economy amid global slowdown and the many daunting challenges is well known. Our country’s economy has been growing at an annual average of 6.2 percent as of 2014 since 2010 when the Aquino administration took over.
This has been our highest five-year average growth since the mid-70’s. And with the recent performance of our economy for three quarters of this year, we are confident that we shall see this high growth pattern continue and even improve throughout next year and the succeeding administrations, given the reforms and long-term investments in infrastructure and human capital, which we continue to pursue,” ani Balisacan.
- Latest
