Bagong patakaran ng LTO sa driver’s license binara sa Kamara

MANILA, Philippines – Ipinatitigil ni Iloilo City Rep. Jerry Trenas ang bagong patakaran ng Land Transportation Office (LTO) na kumuha muna ng NBI at PNP clearance para sa renewal at pagkuha ng mga bagong lisensiya sa nasabing ahensiya. Sabi ni Trenas, imbes na kumuha ng mga clearances sa NBI at PNP ang mga drayber, dapat ibalik na lamang ang drug testing requirements sa mga kukuha ng professional license para masiguro ng publiko na malinis sila sa illegal drugs.

Ayon kay Trenas, ang panibagong gimik ng LTO ay pahirap sa mga drayber lalo’t iyong mga mahihirap na tao ay pangkuha lamang ang pera ng lisensiya.

Sabi ni Trenas, panibagong pahirap ito para sa mga tsuper dahil maghihintay pa sila ng isang linggo para makuha ang dalawang clearance para lamang sa kanilang driver’s licenses. Ang kailangan lamang ng isang drayber para makakuha ng lisensiya ay ma­ging physically, mentally o sapat ang kakayahan at kaalaman sa mga regulasyon ng trapiko para magkapagmaneho.