PNoy, Chinese Pres. Xi ‘seatmate’ sa Summit
MANILA, Philippines – Kahit wala pang kasiguruhang magkakaroon ng bilateral meeting sina Pangulong Aquino at Chinese President Xi Jinping sa darating na APEC Summit mula Nov. 18-19 ay magkatabi naman ito sa kanilang upuan bilang ‘seatmate’.
Sinabi mismo ni Ambassador Marciano Paynor Jr., national organizing council director-general, naging tradisyon na kasi na ang host leader at dating host na bansa ng APEC ay magkatabi ng upuan.
Aniya, dahil dito ay magkatabi ng upuan sina Pangulong Aquino at Chinese President Xi Jinping na dating host ng APEC.
Idinagdag pa ni Amb. Paynor, isang pagkakataon umano ito para kay Pangulong Aquino at President Xi sa isang bilateral kung naisin man nila.
Nabatid na ang China ang nakaraang host ng APEC Summit noong nakaraang taon habang ang Peru naman ang nakalinyang magiging country host sa susunod na taon.
- Latest
