Poe last minute sa business forum
MANILA, Philippines – Tila “laban-bawi” ang naging pagdalo ni Sen. Grace Poe sa Philippine Business Conference na inorganisa noong Lunes ng Philippine Chamber of Commerce and Industry, na ginanap noong Lunes.
Ayon sa isang manunulat na si Isagani Cruz, isang araw bago isinagawa ang forum ay tumanggi si Poe sa imbitasyon sa kanya na dumalo rito.
‘Pero nang mabalitaan niya na dadalo sa kumperensiya ang tatlo pang ibang kandidatong presidente, bigla siyang pumasok sa bulwagan bandang huling bahagi ng araw na iyon at isinali niya ang kanyang sarili sa programa,” pagpapatuloy ni Cruz.
Nagkagulo ang mga organizer ng event dahil last minute nagkansela sina Poe. Napilitan ang mga organizer na palitan ang format ng event kaya inanunsiyo ng host na imbes na harapang debate ay isa-isang magsasalita ang mga presidentiables.
Naunang nagsalita si Sen. Miriam Santiago, sumunod si Vice President Binay at pangatlo si Mar Roxas na bukod tanging tumanggap ng mga tanong mula sa miyembro ng audience.
Dahil sa biglaang pagdating ni Poe ay naantala ang session ni Cruz at ng kanyang mga kasama.
- Latest
