Miriam tatakbong pangulo sa 2016

MANILA, Philippines – Nakatakdang maghahain ng kaniyang certificate of candidacy (COC) si Sen. Miriam Defensor-Santiago.

Sinabi ni Santiago na desidido na siyang tumakbong muli sa pinakamataas na pwesto sa gobyerno matapos niyang malagpasan ang sakit.

“I will definitely run, I've already gotten over my cancer because there’s nothing left to do. I can apply for a job abroad like the one I lost because of my cancer but since I have served the government from the very beginning I will end my career there,” pahayag ng senadora.

Dagdag niya na ang kaniyang magiging running mate ay isa na sa mga naghayag ng pagtakbo bilang bise presidente.

“I will not mention it yet, that is for you to guess. He has already announced, so we will be running together. I cannot give the answer.”

Ilan sa mga naghayag na ng pagtakbo na walang katambalan ay sina Sen. Bongbong Marcos, Sen. Alan Peter Cayetano at Sen. Antonio Trillanes IV.

Sinabi pa ni Santiago na tanging ang pagkakaroon lamang muli ng cancer ang pipigil sa kaniya.

 “Possibly Friday, because it’s always such a circus there during the date of filing candidacies,” sagot ni Santiago kung kailang maghahain ng COC.

Sa book signing ng kaniyang librong “Stupid is Forevermore” ay nakasuot ng pulang t-shirt ang staff ng senadora na may nakalagay na “Miriam 2016.”

Taong 1992 nang tumakbo bilang pangulo si Santiago ngunit natalo kay dating Pangulo Fidel V. Ramos.