Bagyong Jenny, palabas na ng bansa

MANILA, Philippines – Palabas na ngayong uma­ga, araw ng Martes  ang bag­yong si Jenny sa Philippine area of responsibility pero maapek­tuhan pa rin nito ang habagat na siyang magdudulot ng mga pag-uulan sa bansa.

Alas-11ng umaga kahapon, si Jenny ay namataan ng PagAsa sa Batanes Group of Islands  sa layong 355  kilometro ng hilagang silangan ng Itbayat, Batanes taglay ang lakas ng hangin na umaabot sa 185  kilometro bawat oras malapit sa gitna at may pagbugso ng hangin na umaabot sa 220 kilometro bawat oras.

Si Jenny ay kumikilos pakan­luran hilagang kanluran sa bilis na 19 kilometro bawat oras.

Ngayong umaga, si Jenny ay inaasahang nasa la­yong 550 kilometro ng hilagang kanluran ng  Itbayat, Batanes o nasa labas na ng bansa.

Bago lumabas sa PAR si Jenny ay lumakas ito at isinailalim sa signal number 1 ng bagyo ang Itbayat Batanes.