Gabinete ni PNoy magsisipagbitiw na
MANILA, Philippines – Inaasahang magsusumite na rin ng kanilang resignation letter kay Pangulong Aquino ang iba pang miyembro ng Gabinete na may planong tumakbo sa darating na 2016 elections.
Kabilang sa inaasahang magsusumite ng kanilang resignation bago sumapit ang filing ng certificate of candidacy sa darating na Oct. 12-16 sina Agriculture Sec. Proceso Alcala, MMDA Chairman Francis Tolentino, Justice Sec. Leila de Lima, TESDA director-general Joel Villanueva at Health Sec. Janet Garin.
Maging si PhilHealth board member Rissa Hontiveros ay may plano na muling tumakbong senador.
Mga sasabak sa senatorial race sa 2016 sina de Lima at Tolentino sa ilalim ng Liberal Party habang si Villanueva ay sa ilalim naman umano ng senatorial ticket ng Poe-Chiz. Tatakbong kongresista naman sa 3rd district ng Quezon province si Alcala at Iloilo congressional district naman si Garin.
Magugunita na nagbitiw na sa kanilang tungkulin sina Food Security adviser Sec. Kiko Pangilinan epektibo sa Sept. 30 dahil tatakbo din itong senador sa ilalim ng LP gayundin si Energy Sec. Jericho Petilla.
Nagsumite na rin ng kanyang resignation si Trade Sec. Gregory Domingo kamakailan kay PNoy subalit pinalawig pa ang panunungkulan nito hanggang sa December 2015 dahil sa APEC event.
- Latest
