BDO best bank sa ikatlong pagkakataon
MANILA, Philippines – Dahil sa ipinamalas na patuloy at matatag na pag-unlad at matagumpay na implementasyon ng pangunahing business developments ng bangko, muling umani ng parangal ang BDO Unibank. Tinanggap ng bangko sa ikatlong magkakasunod na taon ang “Best Bank in the Philippines” award sa katatapos lamang na Global Awards for Excellence 2015 na isinagawa ng London-based financial publication Euromoney.
Sa July 2015 issue ng Euromoney magazine, sinabi ng pahayagan na “while [BDO’s] net income was only up 1% year on year in 2014, it jumped an impressive 12% year on year in the first quarter of 2015”. Sa kabilang banda, ang patuloy na paglaki ng BDO ay suportado ng pagbubukas ng animnapu’t-isang bagong sangay ng bangko nuong 2014.
Isinaalang-alang rin ng Euromoney ang matagumpay na pagkumpleto sa ilang recent acquisition ng bangko, kasama na ang acquisition nuong December 2014 kung saan na-acquire ng bangko ang One Network Bank, Inc., isa sa mga pinakamalaking rural bank sa bansa, na may 105 sangay at micro-banking offices sa na matatagpuan sa Mindanao at Panay Island.
- Latest
