Apela ng kaanak ng SAF 44 sa Kamara ‘Mamasapano probe buksan’
MANILA, Philippines – Nagtungo sa Kamara ang mga kaanak ng napatay na SAF 44 para hilingin na muling buksan ang pagdinig ng Mamasapano incident.
Personal na umapela sina Felicitas de Castro Nacino, Rhodora Cordero, Erica Pabalinas, Niki Nacino at Zeny Rubio na buksan muli ang pagdinig dahil hindi sila kuntento sa isinagawang imbestigasyon ng Senado at Department of Justice (DOJ).
May mga executive sessions umano na ginawa ang Senado kaya anumang napag-usapan dito ay hindi nila alam.
Dahil dito kaya magsusumite ng resolution kay Speaker Feliciano Belmonte ang mga kongresista na ma-resume ang hearing ng Committee on Public order and Safety at Committee Peace, Reconciliation and Unity.
Matatandaan na ipinatigil ang hearing matapos batikusin dahil sa umano’y mala palengkeng pagdinig nito.
Giit naman ni minority leader Ronaldo Zamora at independent minority bloc leader Ferdinand Romualdez na hindi maaaring mag- resume ang hearing ng Bangsamoro Basic Law (BBL) hanggang hindi nabubunyag kung sino ang may kasalanan sa pagkamatay ng SAF 44.
- Latest
