Hirit ni Jinggoy sa Undas sinopla
MANILA, Philippines - Sinopla ng prosekusyon ang kahilingan ni Sen. Jinggoy Estrada sa Sandiganbayan na makalabas ng kulungan sa panahon ng Undas sa Nov 1.
Ayon sa prosekusyon, masamang senyales kung palalabasin ng kulungan si Estrada sa naturang okasyon para lamang sa Undas dahil nagpapakita lamang ito ng pagpabor sa request ng isang mambabatas.
Anila, isang non-bailable offense ang kaso ni Estrada at walang dahilan para ito ay payagan na makapag-Undas sa labas ng kulungan.
Si Estrada ay nakakulong sa PNP Custodial Center sa Kampo Krame dahil sa kasong graft at plunder na may kinalaman sa pork barrel scam.
Unang hiniling sa graft court ng kampo ni Estrada na makalabas sa Nov 1. para madalaw ang puntod ng mga yumaong kaanak at ang puntod ng kanyang kaibigang si Rudy Fernandez.
- Latest
