PNoy nag-’selfie’ sa pag- amyenda sa Constitution
MANILA, Philippines - Itinuturing ng isang Obispo na ‘selfie move’ o ‘selfie motive’ ang umano’y pagnanais ni Pangulong Aquino na amyendahan ang 1987 Constitution para alisin ang term limit ng Pangulo ng Pilipinas at bawasan ang kapangyarihan ng Supreme Court.
Ayon kay Malaybalay Bukidnon Bishop Jose Cabantan, hindi karapat-dapat na magkaroon ng Charter change para lamang sa karagdagang termino ni Pangulong Aquino lalo pa’t bahagi ito ng legacy ng kanyang ina at dating pangulong Cory Aquino upang maiwasan ang diktaduryang pamumuno sa Pilipinas.
Sinabi ng Obispo na bukod sa selfie motive, lumilitaw din ang ugaling diktador ng Pangulong Aquino sa pagsusulong na i-extend ang termino na matatapos sa 2016.
Kinondena rin ni Bishop Cabantan ang pagsusulong ng administration na amyendahan ang Saligang Batas para alisin ang judicial power to review ng Korte Suprema.
Iginiit ng Obispo na hindi makatarungang alisin ang kapangyarihan ng SC sa judicial review dahil wala ng makakapigil sa Executive branch sa bawat naisin kahit labag sa Batas.
Isa sa legacy ni dating pangulong Cory Aquino ang malabanan ang dictatorship noong 1965 hanggang 1986 o 21 taon na pamumuno ng dating Pangulong Marcos na nagpahirap sa bansa,” dagdag pahayag ng Obispo.
- Latest
