Death penalty buhayin – Herbert

MANILA, Philippines – Matapos manampal ng hinihinalang Chinese drug pusher, nais ni Quezon City Mayor Herbert Bautista na pag-aralan muli ang pagbabalik ng death penalty sa bansa.

"I am hoping that Congress will revisit the issue of death penalty especially on drug-related cases," wika ni Bautista sa kanyang panayam sa telebisyon.

Aniya karamihan ng mga nagkomento sa kanyang ginawa nitong nakaraang linggo ay nais maibalik ang paruasang kamatayan.

Kaugnay na balita: Human rights chair kontra sa death penalty

Dagdag niya na nais niya itong hilingin kay dating Quezon City mayor at ngayo'y House Speaker Feliciano Belmonte Jr. na pag-aralan nila sa Kamara.

Umaasa rin ang alkalde na magiging “vigilant in pushing for the death penalty" si Interior and Local Government Secretary Mar Roxas laban sa mga taong nasa likod ng pagkalat ng ilegal na droga sa bansa.

"Nakakasira talaga ng pamilya ang droga," banggit ni Bautista.