Hayden Kho doktor uli, lisensiya ibinalik ng PRC

MANILA, Philippines - Ibinalik na ng Professional Regulation Commission (PRC) ang lisensya ng controversial personality na si Hayden Kho bilang doktor.

Ito ayon kay Dr. Miguel Noche Jr., pinuno ng PRC Board of Medicine ay matapos nilang paboran ang petition for reinstatement ni Kho matapos itong magpahayag ng pagsisisi at patunayang kwalipikado siyang maging doktor muli.

Sinabi ni Noche na dumaan sa due process at deliberasyon ang hiling ni Kho at kalaunan ay wala na silang nakitang dahilan para pahabain pa ang pagkansela sa lisensiya nito.

Matatandaang ti­nang­galan ng lisensya si Kho noong 2010 dahil sa unethical conduct nang kumalat ang kanyang sex videos at kasuhan ni Katrina Halili dahil dito.