Bong nakakulong na!

MANILA, Philippines —  Himas rehas na ngayon si Senador Ramon “Bong” Revila Jr. sa kanyang kulungan sa Philippine National Police (PNP) headquarters sa Camp Crame matapos sumuko ngayong Biyernes sa Sandiganbayan.

Inihatid ng mga awtoridad at ng kanyang pamilya si Revilla sa PNP Custodial Center.

Bago tuluyang makulong ay dumaan muna sa PNP Multi-Purpose Hall si Revilla kung saan isinagawa ang booking process kabilang nag pagkuha ng kanyang mug shots at fingerprints.

Kaugnay na balita: Arrest warrant kay Bong, 31 pa inilabas na ng Sandiganbayan

Sumailalim din ang senador sa physical at medical examination.

Isa si Revilla sa tatlong senador na kinasuhan ng Office of the Ombudsman.

Inireklamo rin ng Ombudsman sina Senador Jinggoy Estrada at Juan Ponce Enrile.

Kaugnay na balita: Bong nais makapagpiyansa

Naunang sinabi ni Revilla na ni sa panaginip ay hindi niya nakitang makukulong siya.

Dagdag niya na tila isang bangungot ang kanyang pinagdadaanan.

Kaugnay na balita: Palasyo sa pagkakaaresto kay Bong: Mananaig ang katotohanan at hustisya