Live presscon coverage sa SC bawal na
MANILA, Philippines - Sa kauna-unahang pagkakataon ay ipinagbawal ng Korte Suprema ang live coverage ng mga press conference nito.
Kahapon ang unang araw ng deliberasyon ng Supreme Court En Banc matapos ang isang buwang pamamahinga o recess ng mga mahistrado at inasahan ng mga mamamahayag na may malalaking isyu na natalakay sa agenda.
Ngunit bago pa man magsimula ang press briefing ay ipinatanggal ng isang staff ng SC Public Information Office ang lahat ng mga kable.
Ipinarating pa ng PIO staff na hindi raw bababa si SC-PIO chief Atty. Theodore Te para simulan ang press briefing hangga’t hindi natatanggal ang kable para sa live feed.
Ikinagulat naman ng media ang nasabing hakbang ni Te dahil madalas namang naeere ng live ang mga press briefing sa Korte Suprema.
Ipinaliwanag ni Te na hindi naman talaga nakaÂgawian ng korte na iere ng live ang mga proceedings nito at kabilang dito ang press conference.
Ngunit sa panig ng mga mamamahayag na naka-assign sa Supreme Court, mainam na mabigyang linaw na ang “press briefing†ay hindi maituturing na court proceedings dahil wala namang kaso na nililitis, wala ring hukom, wala ring akusado o defendant at wala ring prosekusyon na umuusig.
- Latest
