3 patay sa bus vs. trak sa Quezon

MANILA, Philippines - Tatlo patay, habang 24 ang sugatan sa banggaan ng bus at dump truck sa probinsiya ng Quezon kagabi.

Sumalpok ang isang bus ng Jam Liner na patungong Lucena City sa isang trak n patungo namang Maynila sa kahabaan ng Maharlika Highway sa bayan ng Tiaong bandang alas-11 ng gabi.

Nakilala ang mga nasawing sina Alysa Singayan, 10, Remedios Sangrones, 65, at Eden Sangrones.

Lumabas sa pangunang imbestigasyon na nag-overtake ang trak sa limang sasakyan kaya kinain ang linya ng kalsadang dinaanan ng bus.

Tumaob ang bus dahil sa lakas ng pagsalpok nito sa mabilis na trak.

Kaagad isinugod sa iba't ibang ospital ang mga biktima.