British Embassy sarado ng 6 na araw

MANILA, Philippines - Sarado sa loob ng anim na araw ang British Embassy sa Maynila ngayong holiday season. 

Sa anunsyong ipinalabas ng embahada, magsasara ang tanggapan nito mula Disyembre 24-26. 

Muli itong magsasara simula Disyembre 30, 2013 hanggang Enero 1, 2014. 

Para sa mga Briton na mangangailangan ng agarang ayuda, maaaring makipag-ugnayan sa pamamagitan ng numerong: +63 2 858 2200. 

“Please follow instructions when you are connected to be put through to Consular Response,” nakasaad sa advisory ng embahada.