Tulong ng DSWD sa mga sinalanta ng lindol sa Bohol nagpapatuloy
MANILA, Philippines - Patuloy sa pamamahagi ang Department of Social Welfare and Development (DSWD) ng pang-dalawang linggong relief goods para sa mga biktima ng malakas na lindol sa Bohol.
Kahapon ng alas-8:00 ng umaga, ipinamahagi ng DSWD katulong ng mga opisyal ng local na pamahalaan ng Bohol ang mga relief goods sa mga residente ng Sagbayan, Bohol.
Bago ito, nakatanggap na ng ayuda ang mga taga Balilihan, San Isidro, Catigbian, Antequera, Calape, Cortes, Maribojoc, Carmen at Loon sa Bohol.
Unang binigyan ng tulong ang mga biktimang may hawak na blue cards na walang perang pambili ng pagkain. Ang food packs ay kinabibilangan ng 20 kilo ng bigas at tig-10 piraso ng lata ng sardinas, meatloaf, noodles, kape at choco energy drink.
Sinasabi ng DSWD na nasa early recovery stage na ang mga biktima ng lindol makaraan ang mahigit dalawang linggo nang tumama ang magnitude 7.2 lindol sa Bohol.
- Latest
