‘Hindi ako nagtangkang mag-suicide’ – ex Cong Benaldo

MANILA, Philippines - HIndi umano nagtangkang magpakamatay kundi aksidente nangyaring pagkakabaril sa sarili ni dating Cagayan de Oro Congressman Benjamin Benaldo.

Ito mismo ang ginawang pahayag ni Benaldo kahapon matapos siyang makalabas na sa St. Luke’s Medical Center bunga ng nasabing insidente.

Ayon sa kongresista, malaki ang pasasalamat niya sa kanyang staff gayundin sa mga doktor na nagsalba sa kanyang buhay matapos ang nangyaring insidente kung saan siya tinamaan   ng bala  sa kaliwang dibdib.

Tiniyak din ng mamba­batas, na walang kinalaman ang kanyang misis na si Daiana­ Meneses sa nangyari, matapos na umugong ang balita na may alitan silang mag-asawa bunga ng kanyang pananakit dito.

Matatandaang pumutok ang balita nang itakbo sa ospital ang mambabatas matapos na magbaril sa sarili noong nakaraang buwan sa loob mismo ng tanggapan nito sa Kongreso.

Duguan umanong ini­labas si Benaldo sa kanyang opisina sa south-wing ng Batasan Pambansa matapos abutan ng kanyang staff sa loob.