PNoy mabilis na nakaboto
MANILA, Philippines - Naging mabilis ang pagboto ni Pangulong Benigno Aquino III kahapon kung saan ay straight Team PNoy ang kanyang ibinoto sa senatorial race.
Inamin ni Pangulong Aquino sa ambush interview matapos siyang bumoto sa Concepcion, Tarlac, buong senate ticket ng Team PNoy ang kanyang binoto at wala siyang inilaglag.
Bandang alas-9:40 ng umaga ng makaboto si Pangulong Aquino sa kanyang presinto sa Concepcion, Tarlac.
“‘Yung unang nasa listahan. Dinaanan ko dahil hinanap ko ho syempre lahat, ano. Si Sonny Angara, I think, is number one on the list -hindi, number one on my list. Sinundan ko lang, tapos sinigurado ko lang dahil baka naman may nalaktawan pa tayo doon sa labindalawa natin. I am sure that I voted for them at last, siyempre, si Cynthia Villar,†wika pa ng Pangulo sa interview.
- Latest
