LPA ganap ng bagyo
MANILA, Philippines - Siyam na lalawigan ang binabantayan ngayon ng PAGASA matapos maging ganap na bagyo ang namataang sama ng panahon sa hilagang bahagi ng Mindanao kahapon ng umaga.
Dahil sa bagyo na pinangalanang Auring, nakataas ang signal number 1 sa Palawan, Southern part ng Negros provinces, Siquijor Island, Lanao del Norte, Lanao del Sur, Misamis Occidental, Zamboanga del Norte, Zamboanga del Sur at Zamboanga Sibugay.
Ang bagyo ay namataan sa layong 50 kilometro kanluran ng Dipolog City dakong alas-10 ng umaga taglay ang lakas ng hangin na 55 kilometro bawat oras malapit sa gitna. Inaasahang nasa 180 kilometro ito ng timog kanluran ng Puerto Princesa City ngayong Biyernes ng umaga at mamayang gabi ay nasa 460 kilometro kanluran ng Puerto Princesa City at inaasahang lalabas na ng Philippine area of responsability.
- Latest
