US visa application sarado ngayon
MANILA, Philippines - Inianunsyo ng US Embassy sa Manila na hindi sila magpo-proseso ng visa applications ngayong Lunes, Disyembre 31, 2012 na pista opisyal sa Pilipinas.
Ayon sa US Embassy Non-immigrant Visa (NIV), ang mga nakatakdang mag-apply o kumuha ng visa ngayong Lunes ay muling itatakda sa ibang araw ang kanilang appointment.
Inaabisuhan ng US Embassy ang mga naka-iskedyul ng nasabing araw na magpa-reschedule sa NIV.
“The applicants scheduled on Dec. 31 may reschedule online through www.ustraveldocs.com/ph or by contacting the embassy call center at 982-5555 and 902-8930,” ayon sa kanilang abiso.
Samantala, sinabi ng Embahada ng Pilipinas sa Washington DC na sarado sila sa Enero 1 na holiday sa Pilipinas at Estados Unidos.
Ang mga Pinoy na may matinding pangangailangan sa Embahada ay maaaring tumawag sa telepono na 202-368-2767 or 202-467-9300.
Bukas umano ang call center ng Embahada mula Lunes hanggang Biyernes ng alas-8 ng umaga hanggang alas-8 ng gabi maliban sa holidays ng Pilipinas.
- Latest
