Senators na pabor sa high sin tax, isi-zero sa 2013?

MANILA, Philippines - Nagbabala ang mga tobacco farmers na ka­nilang isi-zero vote ang mga reelectionist senators sa 2013 midterm elections kung papaboran nila ang napaka­taas na buwis sa local ci­ga­rettes.

Ayon sa grupong Phi­l Tobacco Growers Association (PTGA), magsasanib puwera umano ang lahat ng tobacco far­mers, growers at ka­nilang pa­milya para hu­wag iboto ang mga reelectionist se­nators kung hindi pakikinggan ang kanilang pa­­nawagan para sa ‘mo­derate’ at ‘reasonable’ na excise tax sa sigarilyo.

“Ilang beses na kaming nakikiusap na pa­kinggan naman ang aming panig at bigyang konsi­derasyon ang aming ka­buhayan sa plano ng ilang mambabatas na patawan ng napakataas na buwis ang sigarilyo,” ani Distor.

Sinabi pa ni Distor, na planong kausapin ang mga reelectionists senators upang ipaliwanag kung bakit isang ‘anti-farmer, anti-poor’ ang sin tax measure na isinusulong ni Sen. Franklin Drilon.

“Pagod na kami sa pagmakakaawa. Panahon na para kumilos na kami at ipakitang hindi kami dapat na balewalahin na lamang,” dagdag pa nito.

Ilan sa mga reelec­tionist senators sina Sens. Loren Legarda, Fran­cis Escudero, Alan Peter Ca­yetano, Gregorio Hona­san II, Aquilino Pimentel III at Antonio Trillanes IV.

Babala ni Distor, kung iisnabin aniya ng mga re­electionist senators ang kanilang apela, mahigit sa 4.5 milyong boto umano ang mawawala sa mga ito mula sa major tobacc-producing provin­ces tulad ng Pangasinan, La Union, Ilocos Sur, Ilocos Norte, Abra, Caga­yan, Isabela at Mindoro.

Ang iba pang mga lalawigan na maraming tobacco farmers ay Mountain Province, Ifugao, Nueva Vizcaya, Quirino, Tarlac, Nueva Ecija, Capiz, Iloilo, Leyte, Cebu, Misamis Oriental, Bukidnon, Davao, Zamboanga del Sur, Maguindanao, Cotabato at Sarangani.

Bukod sa mga tobacco farmers, workers at mga dependents, hindi rin makakakuha ng boto mula sa mga naniniga­rilyo ang mga sumusu­porta sa panukala ni Drilon.

“We will make sure that reelectionists who will support any proposal imposing extremely high taxes on cigarettes will regret their decision on Election Day,” babala pa ni Distor.