Kandidatura ng 27 senatorial bets aprub na sa Comelec

MANILA, Philippines - Inaprubahan na ng Commision on Elections (Comelec) ang kandidatura ng 27 senatorial bets na naghain ng kanilang certificate of candidacies (CoCs) para sa 2013 midterm elections.

Ang pagbibigay ng due course sa CoC ng 27 senatorial bets ayon kay Comelec Chairman Sixto Brillantes ay nakasaad sa Comelec resolution No. 9540.

Ito ay hinati sa dalawang grupo kung saan kakapanayamin ang unang batch sa Oktubre 18, ganap na alas-9:00 ng umaga habang sa Oktubre 19 naman nakatakdang kapanayamin ang pangalawang batch sa kapareho ring oras.

Kabilang sa 27 senatorial bets sina Ana Hontiveros; John Carlos de Los Reyes; Marwil Llasos; Rizalito David; Juan Edgardo Angara; Paolo Benigno Aquino IV; Maria Ana Consuelo Madrigal; Ramon B. Magsaysay, Jr.; Teodoro Casiño; Alan Peter S. Cayetano; Antonio Trillanes IV; Cynthia A. Villar; Juan Ponce Enrile Jr.; Lorna Regina B. Legarda; Aquilino Martin Pimentel III; Maria Lourdes Nancy S. Binay; Margarita R. Cojuangco; Joseph Victor G. Ejercito; Richard J. Gordon; Gregorio B. Honasan; Ernesto M. Maceda; Maria Milagros Esperanza H. Magsaysay; Juan Miguel F. Zubiri; Francis Joseph G. Escudero; Mary Grace P. Llamanzares; Edward S. Hagedorn at Ramon E.Montaño.

Samantala, ipapatawag naman ng Comelec sa susunod na linggo ang 57 iba pang senatorial hopefuls para idipensa ang kanilang kandidatura.