Paglikha ng Bangsamoro, sinuportahan

MANILA, Philippines - Umani ng suporta mula sa mga kongresista sa Mindanao ang kasunduan ng gobyerno at Moro Islamic Liberation Front (MILF) sa paglikha ng Bangsa­moro Region sa Mindanao.

Ayon kay Maguindanao Rep. Simeon Datumanong at Basilan Rep. Jim Hataman-Salliman, ang bagong kasunduan ng pamahalaan at MILF ay magiging susi upang malutas ang problema sa seguridad at kapayapaan sa kanilang rehiyon.

Siniguro ni Datumanong na bagama’t taga-minor­ya siya ay personal nitong itutulak ang pagpapatibay ng lehislasyon sa Bangsamoro Region sa oras na maipadala ito sa kongreso.

Tiwala din si Salliman na ang bagong kasunduan ang siyang magiging susi upang malutas ang problema at mawala na ang bansag na ‘Lupang Pangako’ sa Mindanao.