7 OFWs lalaya na

MANILA, Philippines - Pitong OFW ang ma­palad na nabigyan ng pardon o royal clemency at nakatakda nang ma­kalaya sa kulungan sa Saudi Arabia.

Ayon kay John Leo­nard Monterona, regional coordinator ng Migrante Midde East, karaniwang binibigyan ng pardon ni Saudi King Abdullah ay ang mga na-convict na mga petty crime offen­ders kabilang na ang mga migrant workers.

Ang nasabing royal clemency ay ibinibigay ma­tapos ang Ramadan bilang pagpapakita ng diwa ng paggawa ng kabutihan, pagpapatawad at pagka-maawain sa pa­mamagitan ng pag-aalis ng gawad na parusa sa mga sentensyado  o nakagawa ng paglabag sa batas ng Saudi.

Inaasahan ng Mig­rante na mas mataas nga­yong taon ang mabibigyan ng pardon dahil uma­abot na sa 600 hanggang 800 OFWs ang nakakulong sa iba’t ibang piitan na umaasa sa pardon su­ba­lit pito lamang ang na­pag­kalooban ng royal cle­mency. (Ellen Fernando)