Eastwest may Great Bank Fun Run
MANILA, Philippines - Ang EastWest, isa sa fastest-growing banks sa bansa sa kasalukuyan kasama ang Bank Marketing Association of the Philippines (BMAP) ay maglulunsad ng kauna-unahang fun run para sa banking community. Ang event ay nakatakda sa July 22, 2012 sa Filinvest City, Alabang.
Tinawag na “The Great Bank Fun Run,” ang event ay bukas sa lahat ng running enthusiasts. Ang bulto ng kikitain nito ay mapupunta sa Bangko Sentral ng Pilipinas’ (BSP) Banking on your Future – BMAP Kiddie Account Program para tumulong sa pag-promote ng savings consciousness sa mga schoolchildren. Ang ilang bahagi ng kikitain ay gagamitin naman sa pag-promote ng Banking Code, BMAP National Convention at iba pang financial advocacies para sa taong kasalukuyan.
Inilunsad ng nakaraang taon, ang Banking on your Future – Kiddie Account Program ay krusada ng BMAP para hikayatin ang mga batang may edad na 12-anyos pababa na maging habit ang pag-iimpok ng pera sa pamamagitan ng easy and affordable access sa mga deposit facilities ng 11 BMAP member banks, kung saan ang EastWest ay kabilang.
May naghihintay naman na special commemorative items para sa mga makakatapos sa race. Bukod dito, may exciting raffle draw para sa mga participants kung saan mamimigay ng plane tickets, gift certificates at iba pa.
Lahat ng mga interesado ay maaaring magparehistro sa anim na branches ng EastWest: Ayala – Main, Binondo, Tomas Morato, Westgate – Alabang, Burgos Circle – Bonifacio Global City at Festival Mall 1. Maaari ring mag-register sa lahat ng Runner and Toby’s outlets.
- Latest
- Trending
