Valenzuela laging handa vs kalamidad

MANILA, Philippines - Kailangan laging handa! Ito ang sinabi kahapon ni Valenzuela Mayor Sherwin Gatchalian dahil sa posibleng pananalanta ng bagyo sa mga darating pang araw o buwan.

Ayon sa alkalde, hindi dapat balewalain ng sinuman ang kalamidad dahil dapat oras-oras ay maaa-ring manalanta ito - bagyo man, lindol at iba pang uri ng pagsubok sa buhay ng bawat individual.

Kapansin-pansin kasi na karamihan sa mga kababayan ay saka lamang kikilos kung mayroon nang unos at kalamidad.

Sinabi ni Gatchalian na dapat ay matuto rin ang lahat ng ‘first aid’ at iba pang uri ng ‘rescue procedures.’

Si Gatchalian ay isa sa board of governors ng Red Cross. Ipinagmalaki naman ng batang alkalde na ang kanilang lungsod ang isa sa nagtataglay ng mga kagamitan na handang tumulong sa alinmang uri ng kalamidad. 

“Valenzuela city government is one the most equiped and ready - we have 4000 - 143 red cross volunteers - the public should also be ready by learning First aid and     have basic equipment,” wika ni Gatchalian.