Waiver ni CJ papatulan ng mga mahistrado ng SC

MANILA, Philippines - Kung ayaw man patulan ng ilang congressmen at se­nator-judges ang hamon ni Supreme Court Chief Justice Renato Corona na maglabas ng waiver para sa kanilang mga dollar accounts, nagpahayag naman ang ilang associate justices na handa silang sumunod sa hakbangin ng punong mahistrado.

Kabilang sa pumapayag na magbigay ng waiver para mailantad ang kanilang dollar accounts ay sina SC Justices Arturo Brion, Roberto Abad, Martin Villarama at Jose Perez.

Wala umano silang itinatago kaya handa nilang patulan ang hamon ni Corona.

Samantala, kaugnay naman ng inaasahang pagpapalabas ng hatol ng impeachment court ngayong araw na ito, sinabi ng anak ni Corona na si Francis, sa isang text message na ipinadala sa media na ipinapaubaya nila sa Panginoon ang kahihinatnan ng kaso.