MANILA, Philippines - Sisimulan na ng provincial government ng Zambales ang masayang pagdiriwang ng Mango Festival simula April 20-22, 2012.
Ayon kay Tel Mora, Zambales tourism officer, ang nasabing pagdiriwang ay gaganapin sa Zambales Sport Center na sasabayan ng parada at iba’t-ibang aktibidad tulad ng Street Dance showdown, Dance Crew competition, at Banda at Komedya.
Sa pamamagitan ng provincial government ng Zambales, sa tulong ng Tourism and Investment Promotions Office ay isasakatuparan ang tatlong araw na event kaakibat ng mga kompetisyon, o kauna-unahang float competition kabilang ang pinakahihintay na mango-themed street dance; ang “Pinaka LGU showcase” kung saan ilalatag sa exhibits ang mga produkto, turismo at historical sites, at kultura at tradisyon ng bawat munisipalidad na sasalihan ng lahat ng local government units, at national agencies, local schools, at community groups.