GMA, Mike babasahan ng sakdal
MANILA, Philippines - Pinatindi ang seguridad ngayon ng pulisya dahil sa takdang pagdalo ni Pampanga Rep. Gloria Arroyo sa gagawing arraignment sa kanya ngayong alas-8:30 ng umaga kaugnay ng kasong graft.
Si Mrs. Arroyo ay pupunta sa Sandiganbayan ngayong umaga kasama ang asawa nitong si Atty Jose Miguel Arroyo at dating Comelec chairman Benjamin Abalos Sr., na kapwa niya akusado sa kasong graft dahil sa paggamit umano ng kapangyarihan para aprubahan ang $329-million NBN-ZTE project noong 2007.
Sinasabing si CGMA ay susunduin sa Veterans Memorial Medical Center kasama ang mga kagawad ng National Capital Region Police Office at Police Security Protection Group.
Sinabi naman ni QC Police Director Chief Supt. Mario dela Vega na nasa 50 pulis mula sa QCPD ang aalalay sa dating pangulo para dahin sa Sandiganbayan.
- Latest
- Trending
