Shortlist sa NBI director plantsado na
MANILA, Philippines - Hawak na ni Justice Secretary Leila de Lima ang shortlist o limang nominado para pagpilian ni Pangulong Noynoy Aquino sa hihiranging director ng National Bureau of Investigation (NBI).
Tanging si NBI officer in charge Nonnatus Rojas lamang ang binanggit sa limang kandidato habang ang iba naman ay pawang mga outsider sa kawanihan.
Magsusumite rin umano si De Lima ng listahan para sa hihiranging bagong deputy director ng NBI.
Isusumite umano niya ang mga listahan pagkatapos na ng paggunita sa Semana Santa.
Kabilang sa umuugong na pangalan na kapalit ni Gatdula sina Criminal Investigation and Detection Group (CDIG) Chief P/Dir. Samuel Pagdilao ng Philippine Military Academy (PMA) Class ‘79, dating PNP Chief Raul Bacalzo ng PMA Class ‘77, retired Deputy Dir. Gen. Raul Castaneda ng Class ‘78 at ang kaniyang mistah na si retired army B/Gen. Danilo Lim, na kasalukuyang Customs Deputy Commissioner for Intelligence.
- Latest
- Trending
