TRO sa impeachment posible pa

MANILA, Philippines - Buhay pa ang posibilidad na panghimasukan ng Korte Suprema ang impeachment laban kay SC Chief Justice Renato Corona.

Sa kabila ito ng hindi pagpapalabas ngTemporary Restraining Order ng Korte Suprema laban sa impeachment trial.

Ipinaliwanag ni SC spokesman at Court Administrator Justice Jose Midas Marquez na maaari pa ring magdesisyon ang mga mahistrado sa merito ng mga petisyon kabilang dito ang constitutionality ng impeachment sa sandaling matukoy ng SC na may hurisdiksyon ito sa isyu at ang ang kasunod nito ay ang pagtukoy kung may nilabag sa saligang batas ang nasabing impeachment.

Maaari rin aniyang repasuhin ng SC ang desisyon ng Senado na nagbasura sa preliminary hearing.

Sinabi ni Marquez na sa ganitong usapin, maaaring igiit ng Mataas na Hukuman ang kanilang power to review actions ng co-equal branches of the government, kabilang ang Senado.