3 Gabinete ni PNoy sapol sa revamp

MANILA, Philippines -  Tatlong miyembro ng Gabinete ni Pangulong Aquino ang sinasabing apektado ng isasaga­wang balasahan sa Ma­lacañang.

Ayon sa mapagkaka­tiwalaang source sa Pa­lasyo, kabilang sa mga maaapektuhan daw ng ‘rigodon’ sina Presiden­tial Peace Adviser Te­resita Deles, Presidential Political Adviser Ronald Llamas at Presidential Communications De­ve­lop­ment and Strategic Plan­ning Office Sec. Ricky­ Carandang.

Sinabi ng source, si Sec. Carandang ay ililipat upang pamunuan ang bagong NBN 4 na nireformat para palakasin ang nasabing government tv station at maging competitive ito sa ibang commercial networks.

Wala namang sinabi ang impormante kung saan ilalagay sina Deles at Llamas at kung sino ang ipapalit dito ng Pa­ngulo­.

Samantala, naunang sinabi ni Deputy Presiden­tial Spokesperson Abigail Valte na wala naman silang nakukuhang kautusan mula kay Pangulo ukol sa sinasabing ‘revamp’ sa Gabinete.