MANILA, Philippines - Binatikos ng grupong Migrante ang administrasyong Aquino dahil sa pinaiiral na “no money” policy para sa mga OFWs na nasa death row.
Ito’y matapos aminin ng Malacañang na nagbigay ng halagang P5 milyon si Pangulong Aquino sa grupong Moro Islamic Liberation Front (MILF) sa kabila naman ng tila pagbibingi-bingihan nila sa panawagan ng mga Pinoy na nakatakdang isalang sa bitayan sa Saudi Arabia at iba pang bansa.
Ayon kay John Leonard Monterona, regional coordinator ng Migrante Middle East, hanggang sa kasalukuyan ay wala pang naiaabot na tulong ang gobyerno habang nagmamakaawa ang Pinoy na si Rogelio ‘Dondon’ Lanuza na mailigtas siya sa bitayan.
“Comparatively speaking, the Aquino govt. is much more insensitive to the plight of our OFWs on death row compared to the previous administration,” diin ni Monterona.
Magugunita na noong Hulyo 20 ay binuo ng Pangulo ang isang technical working group upang bumalangkas ng mga hakbang para sa pagbibigay ng blood money sa mga Pinoy na nasa death row. Peo hanggang ngayon ay wala pa silang konkretong desisyon kaugnay sa usaping blood money.
“We came to know recently and by all indications, the Aquino gov’t don’t want to spent even a single centavo for OFWs blood money, specifically helping OFW Lanuza, who has been in jail for 11 long years after his conviction for accidentally killing a Saudi sometime on August 2000,” ayon pa kay Monterona.
Nabatid na pumayag ang aggrieved party na tumanggap ng P35 milyong blood money kapalit ng kalayaan ni Lanuza.