GMA uulanin ng plunder

KAWIT, Cavite , Philippines  - Iniha­handa na ni Senator Panfilo “Ping” Lacson ang mga bagong pasabog laban kay dating Pangulo at ngayo’y Pampanga Rep. Gloria Macapagal-Arroyo na maaring magamit sa plunder case ng huli.

Sinabi ni Sen. Lacson sa ambush interview matapos dumalo sa inagurasyon ng R-1 extension ng Coastal expressway na pinangunahan ni Pa­ngulong Aquino kahapon, marami siyang mga dokumento na nakatago sa baul na puwedeng magamit laban kay Arroyo.

Sa pagsisimula ng sesyon sa Mayo 9 ay muli niyang rerebyuhin ang mga hawak na dokumento upang makita kung paano ito makakatulong para madiin ang dating presidente.

“May nakikipag-appointment sa isang meeting para magbigay ng karagdagang dokumentong sa mga bagong anomalyang na-unearth. Dating anomalya pero ngayon lang mailalabas,” ani Lacson.  

Iginiit ng senador na panahon na para mapa­nagot ang mga dapat managot at mabigyan ng linaw ang lahat ng mga alegasyong katiwalian laban sa nakaraang administrasyon.

Tiniyak naman ng Pa­lasyo na magkakaroon ng patas na paglilitis kay Rep. GMA at 2 pang da­ting Gabinete nito kaugnay sa sinasabing P530-M OWWA fund na inilipat sa PhilHealth na ginamit sa 2004 elections.