40% ng teenagers 'di nakakapasok sa HS
MANILA, Philippines - Nababahala ang United Nations Children’s Fund (UNICEF) na maraming kabataang Pilipino na nasa edad 12 anyos hanggang 16 anyos ang hindi na nakakapasok sa high school sa bansa.
Sa press statement ng UNICEF, inilahad nitong sa buong mundo umano ay mahigit 70 milyon ang mga kabataang out-of-school-youth na dapat sana ay pumapasok sa high school.
At sa Pilipinas, nasa 60 percent lamang ang nakakapasok sa sekondaryong paaralan habang ang 40 percent ay hindi na nagagawa pang maipagpatuloy ang kanilang pag-aaral.
Pagdating naman sa usapin ng kabuhayan sa Pilipinas, 1.4 milyon ng kabataang lalaki at babae na nasa edad 15-24 anyos ang walang trabaho. Kaya naman 51 porsiyento ng kabuuang bilang ng walang trabaho sa bansa ay pawang mga kabataan.
Ipinaliwanag din ng UNICEF na kaya nagkakaganito ang sitwasyon ay dahil sa kawalan o kakulangan ng sapat na kaalaman, kakayahan at abilidad ng mga kabataan sa mga trabahong kinakailangan sa lumalaking technological labor market.
- Latest
- Trending
