100 M lagda target ng 'Save Palawan'

MANILA, Philippines –  Pormal nang inilunsad ng Save Palawan Movement ang “No to Mining in Palawan” signature campaign na target makakalap ng 10 milyon lagda upang mawakasan na ang mga pagmimina sa lalawigan na sumisira sa kalikasan.

Pinangunahan ni Ms. Gina Lopez, ng ABS-CBN Foundation ang programa bilang suporta na rin sa paghingi ng hustisya sa pagkamatay ng environmentalist na si Dr. Gerry Ortega.

Nais ng grupo na hadlangan ang pagbibigay ng DENR ng mining permit sa may mahigit 40 mining applications dahil kung papayagan ito ay tuluyang mawawasak ang tirahan ng mga tao at pinagkukunan ng kabuhayan at wala ng matitirahan ang susunod na henerasyon.Sinabi naman ni Palawan Mayor Hagedorn na kailangan ang pagtutulungan ng bawat isa para mai­salba ang Palawan dahil sa kanyang bayan sa Puerto Princesa, ito lamang ang walang mining, walang pabrika at logging.

Nabatid na 50 porsi­yento ng pagkain sa Metro Manila ay nagmumula sa Palawan o may 6 milyon katao anya ang nasusuportahan sa pagkain ng Palawan sa isang araw.