Sobrang pamumulitika sa LLDA project - Gov. Ejercito
MANILA, Philippines - Sobrang pulitika ang itinuturong dahilan upang hindi na matuloy ang proyektong rehabilitasyon sa Laguna Lake.
Ito ang paniniwala ni Laguna Gov. Jorge “ER” Ejercito matapos ang ginawang pagkansela sa rehabilitation project para sa Laguna Lake. “The cancellation was whimsical.It appears those around the President
were withholding some facts or twisting some facts on the project.
As respected economist Solita Monsod asked: was he misinformed about the project?” wika pa ni Gov. Ejercito.
Reaksiyon ito ni Ejercito sa ginawang pagbasura ng Malakanyang sa Laguna Lake project na iminungkahi ng Belgian firm BDZ at suportado mismo Belgian government.
Naibigay na ang notice of award sa BDZ matapos ang masinsinang pag-aaral at pag-aanalisa ng mga economic at department officials, ngunit pag-upo ng Pangulong Aquino, bigla na lamang itong ibinasura ng Malakanyang.
Si Ejercito, tumakbo sa ilalim ng tiket ng tiyuhing si dating Pangulong Joseph Estrada, ay naniniwalang ang ginawang pagkansela sa kontrata ay pagpapakita kung paano tinatalikuran ni P-Noy ang naunang pangako na ang kanyang administrasyon ay maglilingkod ng tama at tapat sa pambansang interest.
Sinabi ni Ejercito na simula nang sila’y maluklok, ang mga kapartido ni P-Noy ay mainit na sa P18.7 billion proyekto ng LLDA dredging projects na hindi na ikinukunsidera ang merito at kahalagahan ng proyekto.
- Latest
- Trending
