Noy lalagay na sa 'tahimik'

MANILA, Philippines - Nagbiro kahapon si Pangulong Aquino na mistulang nais na nitong lumagay sa ‘tahimik’ sa susunod na 5 taon.

Ginawa ni Pangulong Aquino ang pagbibiro sa awarding ceremony ng The Outstanding Women in Nation’s Service (TOWNS) foundation.

Ayon kay Aquino, baka sa susunod na 5 taon ay nag-aalaga na rin siya ng anak.

Nang tanungin naman siya ng media kaugnay sa kanyang biro ay sinabi nitong habang may buhay ay may pag-asa.

Magugunita na inamin ni P-Noy na may ibang babae na siyang ‘inaayang’ kumain matapos mapaulat na naghiwalay na sila ng kanyang girlfriend na si Valenzuela City Councilor Shalani Soledad.

Napaulat din na ang stylist nitong si Liz Uy na ex-gf naman ng aktor na si John Lloyd, ang sinasabing na­ging kapalit ni Shalani sa puso ng binatang Pangulo ng bansa.