PNP handbook sa media safety 'one-sided'

MANILA, Philippines - Hiniling ng National Press Club (NPC) sa Philippine National Police (PNP) na rebisahin ang inilabas nitong “handbook” para sa kaligtasan ng mga miyembro ng media bago tuluyang ipamahagi sa mga mamamahayag dahil sa kawalang konsultasyon sa pagbuo nito.

Sinabi ni NPC President Jerry Yap na nasor­presa sila sa publikasyon ng naturang handbook na hinihinala nilang “one-sided” dahil hindi naman na­ku­nan ng opinyon ang mga tunay na media na siyang paksa sa naturang libro.   

Sinabi ni Yap na ini­hayag na ng NPC noon pang Agosto na magpapa­labas sila ng sariling handbook kung saan kokon­sul­tahin ang lahat ng eksperto sa seguridad kabilang na ang PNP at mga organi­sasyon sa media. 

Hindi umano maaaring ipilit ng PNP ang naturang handbook sa mga mama­ma­hayag hanggang hindi inaaprubahan ng NPC kung tama ang mga naka­saad dito.