Senado at Kamara nagkaisa sa pagpapaliban ng Barangay, SK polls

MANILA, Philippines - Suportado ng mga senador at kongresista ang kahilingan ng Liga ng mga Barangay sa Pilipinas na ipagpaliban ang nakatak­dang barangay at Sanggu­ni­ang Kabataan (SK) elect­ions sa darating na Octo­ber ng kasalukuyang taon.

Nagkakaisa sina Se­nate President Juan Ponce Enrile, Senators Juan Mi­guel Zubiri, Ferdinand “Bongbong” Marcos at Ralph Recto na ipagpali­ban ang Barangay at SK election.

Maging sa Mababang Kapulungan ng Kogreso ay suportado ito ng mga kongresistang sina Mi­nority Leader Edcel Lag­man, Anthony Golez, Luis Villafuerte, Pedro Ro­mualdo, Victor Ortega, Gabriel Quisumbing, Maria Carmen Zamora-Apsay at Manny Pacquiao.

Ipinagpasalamat na­man ang suportang ito ni Liga ng mga Barangay sa Pilipinas President, Coun­cilor Ricojudge “RJ” Echi­verri, sa mga senador at kongresista sa kanilang kahilingan na ipagpaliban ang nakatakdang halalan sa Oktubre.

Aniya, sa halip na gu­mastos ng mahigit tat­long bilyong piso ang kasalu­kuyang administrasyon sa gaganaping barangay at SK elections ay magaga­mit ang nabanggit na pera sa iba’t-ibang basic social services na pakikinaba­ngan ng ating mga kaba­bayan, lalo na ang mga nangangailangang kaba­bayan sa Mindanao.

Naniniwala rin si Echiverri na kulang ang tatlong taong termino ng mga barangay officials dahil sa sangkaterbang gawain na nakaatang sa balikat ng mga kapitan at kagawad ng barangay.