Anti-corrupt drive ng CCW pinuri ni Lim

MANILA, Philippines - Pinapurihan kaha­pon ni Manila Mayor Alfredo Lim ang pagta­ta­tag ng Citizen Crime Watch sa Task Force Ban­tay Kura­kot nito da­hil napapana­hon anya ito sa kampan­ya ni Pres­­i­­dent-elect Be­nigno Aquino laban sa katiwa­lian sa pama­halaan.

Ang CCW na pina­mu­munuan ng aboga­dong si Jose Malvar Villegas Jr. ay bumuo ng TFBK bi­lang tugon sa panawa­gan ni Aquino na “Kung wa­lang corrupt, walang ma­hirap.”

May 700 miyembro ng CCW ang dumalo sa unang pangkalahatang asemblea ng CCW-TFBK sa Hotel Indanah Manila, Ermita, Manila.

Sa naturang okas­yon, pinapurihan din ni Ville­gas ang adbokasya ni Lim sa transparency at mabuting pama­mahala sa pamama­gitan ng mga anti-graft seminar sa mga pampublikong paaralan sa Maynila.

May 100 volunteer law­yer mula sa University of the East-Law Center sa pangunguna ng pa­ngul­o nitong si Ariel Joseph Arias ang dumalo sa pulong at nangakong tutulong sa kampanya ni Aquino la­ban sa kati­walian.