MANILA, Philippines - Mahigpit nang ipagbabawal ng gobyerno ng Saudi Arabia ang pagtanggap ng mga dayuhang manggagawa kabilang na ang mga OFWs na tomboy, bakla o tinatawag na bisexuals at transgender.
Sa memorandum ng Royal Embassy ng Saudi Arabia sa Manila, inaatasan nito ang lahat ng accredited recruitment agency na i-screen na mabuti ang kanilang aplikante patungong Saudi at tiyaking walang makakapasok na manggagawang bading, tomboy o bisexual at transgender.
Ito’y kasunod ng mga pag-aresto sa may 67 Pinoy na nakadamit babae sa isang pagtitipon at ang ginawang “gay pageant” ng mga Pinoy noong Marso sa Riyadh.
Nagbabala pa ang Saudi government sa mga recruitment agencies na sakaling may napalusot na bading o tomboy ang mga ito ay agad na mapapatawan ng parusa gaya ng permanteng pagtanggal o pagsibak sa agency na lumabag sa memorandum.