Nakumpiskang isda ng BFAR, pinamahagi sa ospital, kulungan at police stations

MANILA, Philippines - Ipinamahagi ng Bureau of Fisheries and Aquatic Resources ang nakumpiskang isang toneladang isda sa ospital, kulungan at tanggapan ng pulisya sa Baler, Aurora.

Ayon kay BFAR Director Malcolm I. Sarmiento, Jr., ang mga samu’t saring isda ay mula sa CT4-1750, isang Taiwanese fishing vessel na nahuling iligal na nangi­ngisda sa coastal waters malapit sa Baler matapos maki­pag­habulan sa mga elemento ng Philippine Coast Guard na sakay ng BFAR MCS 3010 sa Diapitan Bay hanggang Casapsapan Bay noong nakaraang linggo.

Nasa pangangalaga ng local prosecutor’s office ang dalawang fishing boats na sinakyan ng mga kumpis­kadong isda habang ang kapitan at crew na binubuo ng mga Taiwanese at Indonesians ay naka­kulong ngayon sa Aurora Provincial Jail. Bukod sa kulong, ang mga dayu­han ay may multang hindi hihigit sa $200,000 dahil sa illegal na pagpasok sa karagatan ng Pilipinas.