Querubin pasok sa Magic 12

MANILA, Philippines - Pumasok na si detenidong dating Col. Ariel Querubin sa Magic 12 sa senatoriables sa pina­kahuling survey na Desis­yon 2010 Pre-election Survey na isinagawa ng Manila Broadcasting Corporation noong Abril 15, 2010.

Base sa survey, naka­pagtala si Querubin, kandi­datong senador ng Nacio­nalista Party sa pamu­muno ni Sen. Manny Villar, ng 23.4% kumpara sa dating ranggo nito sa ibang survey na pumalo lamang sa ika-17 mula sa dating 51.

“Pinatutunayan lamang ng survey na maraming ma­mamayan ang nanini­wala sa prinsipyong ipinag­lalaban ni Querubin. Sa ad­hi­kain ni Querubin na tumu­long sa paglutas ng kahi­rapan ang siyang sandigan ng kanyang kandidatura bilang senador ng bayan,” ayon kay Martin, anak ng dating opisyal ng Philippine Marines.

Isinagawa ang survey ng La Research Inc. noong Abril 15, 2010 na may 25 tahanan bawat barangay ang kinunan ng opinyon sa iba’t ibang lalawigan sa pamamagitan ng face-to-face interview sa lahat ng rehiyon.

Kasalukuyang nakaku­long ngayon si Querubin sa Detention Center ng Intelligence Service of Armed Forces of the Phi­lippines sa Camp Aqui­naldo, Quezon City.

Sinabi ni Martin na pi­nagkakaitan ng kara­pa­tang mangampanya ang kan­yang ama.