Gibo di-apektado

MANILA, Philippines - Siniguro kahapon ng Lakas-Kampi-CMD na hindi makakaapekto sa kandidatura ni standard bearer Gilbert “Gibo” Teodoro Jr. ang pagkalas ng ilang miyembro nito at paglipat sa ibang partido.

Sinabi ni Atty. Mike Toledo, spokesman ni Teodoro, na iilan lamang ang lumipat sa ibang partido at hindi ito makakaapekto kay Gibo.

Sinabi pa ni Toledo na magpupulong ang mga Governors for Gibo sa Makati at Cebu upang plan­tsahin ang kanilang estratehiya upang masiguro ang panalo ni Teodoro sa presidential race.

Idinagdag pa ni Toledo, gumagamit na ng black propaganda ang mga kalaban ni Gibo dahil kinakabahan na ang mga ito sa mabilis na paghakot ng suporta nito sa ibat ibang sector.