Bro. Eddie number one sa exit poll sa Hong Kong!

BATANGAS CITY , Philippines  – Na­nguna sa unang sigwa ng halalan ng overseas ab­ sentee voting (OAv) sa Hong Kong si Bangon Pilipinas standard bearer Bro. Eddie Villanueva sa la­­ba­nan sa pagka-pangulo.

Ayon sa The Sun Hong Kong exit poll mula sa 2,901 overseas absentee voter na bumoto noong Abril 11, nanguna si Villa­nueva sa botong 396 na sinundan ni LiberaL Party presidential bet Benigno ‘Noynoy” Aquino, 392 at pumangatlo si Nacionalista party presidential candi­date Manny Villar sa 204 boto.

Sa pagkabise presi­dente, nanguna si LP vice presidential bet Mar Ro­xas, 326 boto. Pumanga­lawa si Perfecto Yasay ng Bangon Pilipinas subalit hindi binanggit sa artikulo ang bilang ng nakuhang boto nito na sinundan ni NP vice presidentiable Loren Legarda.

Hindi rin nagpahuli ang Bangon Pilipinas matapos na anim sa kanilang kan­didato sa pagka-senador ang pasok sa magic 12 sa OAV automated election sa HK.

Sinabi ni Villanueva na ang pangunguna niya ay patunay na hindi credible ang mga surveys kung saan lumalabas sa mga survey na nasa pang-lima lamang siya sa lahat ng presidentiables.

Ang overseas ab­sentee voting sa buong mundo ay nagsimula no­ong Abril 10 at magtatapos sa Mayo 10, 2010.